Швейцария ва Менхенгладбахнинг «Боруссия» клуби дарвозабони Ян Зоммер «Манчестер Юнайтед»га ўтади ва жамоанинг асосий дарвозабони бўлади, деб хабар беради Bild.
Нашрнинг ёзишича, келишув қишки трансфер ойнасида амалга ошади, футболчининг ўзи аллақачон трансферга рози бўлган. Зоммернинг немис клуби билан амалдаги шартномаси 2023 йилнинг ёзига қадар мўлжалланган. Жамоа раҳбарлари уни қишда қўйиб юборишга тайёр.
“Манчестер Юнайтед” дарвозабони Давид Де Хеанинг ҳам шартномаси 2023 йилнинг ёзига қадар мўлжалланган, аммо клуб дарвозабон билан шартномани узайтиришни режалаштирмаяпти.
33 ёшли швейцариялик дарвозабон 2014 йилдан бери Менхенгладбахнинг «Боруссия»сида ўйнаб келмоқда. Жорий мавсумда Зоммер немис клуби сафида 11 та ўйинда 14 та гол ўтказиб юборган. Transfermarkt порталига кўра футболчининг нархи 5 миллион еврога баҳоланмоқда.