Хорватия терма жамоаси ярим ҳимоячиси Лука Модрич жамоасининг Японияга қарши ўйини ҳақида гапирди.
Эслатиб ўтамиз, кеча «шашкачилар» Япония терма жамоасини мағлуб этиб, жаҳон чемпионатининг чорак финалига йўл олишди.
«Бу ўйин жуда ҳам оғир ўтди. Мен боримни бердим. Кетма-кет 4-ўйинни ҳам кучли босим билан ўтказдик, бу жуда қийин бўлди. Энди дам олиш вақти келди», деди Модрич ўйиндан кейин берган интервьюсида.
Аввалроқ Лука Қатардаги жаҳон чемпионатидан кейин терма жамоадаги фаолиятини якунламаслигини маълум қилганди.
Хорватия терма жамоаси бош мураббийи Златко Далич Модричнинг АҚШ, Мексика ва Канадада бўлиб ўтадиган навбатдаги жаҳон чемпионатида ҳам иштирок этишига умид билдирди.
