Португалия терма жамоаси ҳужумчиси Гонсалу Рамуш ЖЧ-2022 1/8 финалида Швейцарияга қарши ўйинда (6:1) 4 та самарали ҳаракат амалга оширди.
21 ёшли португалиялик хет-трик ва голли узатмани ўз ҳисобига ёздириб қўйди. Шу тариқа, у 28 йил ичида жаҳон чемпионатида “гол+пас” тизимида 4 очко жамғарган биринчи футболчига айланди.
Бундай натижага эга бўлган сўнгги футболчи 1994 йилги Жаҳон чемпионатида Камерун терма жамоасига 5 та гол урган ва голли узатмани амалга оширган россиялик Олег Саленко эди.