Сўнгги пайтларда Криштиану Роналдуни ҳатто ватани Португалияда ҳам танқид қилишди. Яқинда A Bola сўрови иштирокчиларининг деярли тўртдан уч қисми Роналду асосий таркибда майдонга тушмаслиги керак деган фикрни билдиришган.
Сешанба куни Криштиану ЖЧнинг 1/8 финалида Швейцарияга қарши ўйинда асосий таркибда майдонга туша олмади.
Швейцария билан ўйиндан кейин Роналду яна танқидлар остида қолди. Айни дам ижтимоий тармоқларда футболчини жаҳон чемпионати чорак финалига чиққанини нишонламагани учун танқид қилишмоқда.
Бир неча кадрларда Криштиану ёлғиз ўзи трибуна остидаги хонага кириб, йўл давомида томошабинларни олқишлагани акс этган.
