Португалия терма жамоаси сардори Криштиану Роналду жаҳон чемпионатидаги ўйинлар сони бўйича аргентиналик афсонавий Диего Марадона билан тенглашди.
Кеча ЖЧ-2022 1/8 финалининг Швейцария термасига қарши ўйини (6:1) португалиялик учун жаҳон чемпионатларидаги 21-ўйини бўлди.
Марадонадан ташқари бундай кўрсаткичга аввалроқ германиялик Уве Зеелер ва польшалик Владислав Жмуд эришган.
Жаҳон чемпионатидаги ўйинлар сони бўйича рекорд германиялик Лотар Маттеусга тегишли (25).
Эслатиб ўтамиз, португалияликлар Қатардаги турнирнинг чорак финалида Марокаш терма жамоаси билан ўйнайди.
