Европа Лигасининг 3-саралаш босқичидан ўрин олган дастлабки учрашувлар ниҳоясига етди. Бир қатор ҳамюртларимиз тўп сураётган жамоалар учун дастлабки учрашувлар ёмон кечмади.

Бир йўла уч нафар ҳамюртимиз тўп сураётган Қозоғистоннинг "Актобе"жамоаси меҳмонда Бельгиянинг "Генк" клубига имкониятни бой бериб қўйди - 1:2. Меҳмонлар томонидан киритилган ягона голга Марат Бикмаев ҳаммуалифлик қилганини таъкидлаб ўтиш жоиз. Унинг жаримадан ошириб берган тўпини Бадло рақиб дарвозасига аниқ йўллаганди. Жавоб учрашувида бу гол "Актобе"га асқотиши мумкин.

Учрашувда "Актобе" таркибида бир йўла уч нафар ҳамюртимиз асосий таркибда ҳаракат қилди. Гейнрих 82, Марат 89 дақиқа майдонда ҳаракат қилган бўлса, Темур Кападзе тўлиқ 90 дақиқа мобайнида майдонда тер тўкди.

Европа Лигаси. 3-саралаш раунди
Дастлабки учрашувлар

ГЕНК (Бельгия) – АКТОБЕ (Қозоғистон) 2:1 (2:1)
Голлар: Воссен (18, пенальти ) Жозеф-Монроз (44) – Бадло (25).

Генк: Кетелеш, Тшиманга, Д. Фернандес, Нгонга, Надсон, Хайленд (Нванганга, 84), Горьюс, Жозеф-Монроз, Буффель (Лимбомбе, 46), Воссен (Барда, 76), Бентеке.
Актобе: Сидельников, Примус, Бадло, Кенжисариев, Смаков, Хайруллин, Байер, ТЕМУР КАПАДЗЕ, С. Ковальчук, АЛЕКСАНДР ГЕЙНРИХ (Климавичюс, 82), МАРАТ БИКМАЕВ (Лисенков, 89).
Огоҳлантиришлар: С. Ковальчук (55), Бадло (59), Бикмаев (77), Хайруллин (88), Горьюс (88), Сидельников (90), Лисенков (90).
Четлатиш:  Бадло (80).

Яна бир учрашувда Киевнинг "Арсенал"и Словениянинг "Мура" жамоасига ҳеч қандай имконият қолдирмади ва жавоб учрашувидан олдин ўз имкониятларини кескин равишда ошириб олди.

Учрашувни Максим Шацких тўлиқ 90 дақиқа мобайнида майдонда ўтказди.

АРСЕНАЛ К (Украина) – МУРА 05 (Словения) 3:0 (1:0)
Голлар: Мазилу (6), Ковпак (61), Матуку (83).
Арсенал К: Боровик, Полевой, Матуку, Гитченко, Леандро, Максимов, Кобахидзе (Миколюнас, 77), Шахов (Старгородский, 67), МАКСИМ ШАЦКИХ, Мазилу, Адийя (Ковпак, 57).
Мура 05: Дракович, Янжа, Крамар, Маер, Ципот, Kоутер (Бузетиi, 62), Маруско, Срес (Вас, 84), Этерович, Йелич, Бохар (Грушковняк, 90).
Огоҳлантиришлар: Этерович (33), Маер (49), Полевой (55).