10 декабрь куни жаҳон чемпионатининг чорак финалининг сўнгги ўйинлари бўлиб ўтади. Марокаш терма жамоаси Португалия термаси билан, инглизлар эса французлар билан куч синашади. Five Thirty Eight суперкомпьютери қарама-қаршиликларнинг ғолибларини башорат қилди. Компьютер жамоаларнинг ҳужум ва мудофаадаги кучини акс эттирувчи Soccer Power Index деб аталадиган кўрсаткичга асосланиб, учрашувда ким фаворит эканини таҳмин қилади.
Марокаш - Португалия
1/8 финалда Марокаш терма жамоаси сенсацион тарзда Испания терма жамоасини мағлуб этди. Асосий ва қўшимча вақт 0:0 ҳисобида якунланган бўлса, африкаликлар пеналтилар сериясида аниқроқ бўлишди – 3:0. Асосий таркибда Криштиану Роналдусиз Португалия терма жамоаси кутилмаганда Швейцария термасини 6:1 ҳисобида осонликча мағлуб этди. 21 ёшли ҳужумчи Гонсалу Рамуш томонидан хет-трик қайд этилди. Роналдуга келсак, у иккинчи бўлимда захирадан майдонга тушди. Суперкомпьютер маълумотларига ишонадиган бўлсак, Португалиянинг ярим финалга чиқиш имконияти 68%, марокашликларда эса ўтиш эҳтимоли 32%.
Англия - Франция
Плей-оффнинг биринчи ўйинида инглизлар Сенегал термаси билан осонликча тўқнаш келишди - 3:0. Голларга Жордан Хендерсон, Харри Кейн ва Букайо Сака муаллифлик қилди. Амалдаги жаҳон чемпиони французлар полшаликларни 3:1 ҳисобида мағлуб этишди. Оливе Жиру ва Килиан Мбаппенинг дублига Полша терма жамоаси фақат Роберт Левандовскининг пеналтидан аниқ зарбаси билан жавоб қайтарди. Суперкомпьютер маълумотларига кўра, Англия - Франция жуфтлигида Британия жамоаси минимал устунликка эга - 52% га нисбатан 48%.
Олдинги башоратлар амалга ошдими?
9 декабрь куни 1/8 финалнинг дастлабки ўйинлари бўлиб ўтди: Хорватия – Бразилия (1:1, 4:2 пен.) ва Нидерландия – Аргентина (2:2, 3:4 пен.). Биринчи жуфтликда суперкомпьютер жамоаларнинг имкониятларини мос равишда 23% ва 77%, иккинчисида эса 42% ва 58% деб баҳолади. Шундай қилиб, машинанинг иккинчи башорати амалга ошди, лекин биринчиси амалга ошмади. Бу жаҳон чемпионатида қандай натижалат қайд этилишини энг замонавий супер технологилар ҳам башорат қила олмаслигидан далолат беради.
Жаҳон чемпионати 1/4 финали ўйинлари тақвими - 10 декабрь
20:00. Марокаш - Португалия
00:00. Англия - Франция.
