Португалиялик марказий ҳимоячи Пепе ЖЧ чорак финалида Марокашга қарши ўйин учун танланган ҳакамдан норози.
Португалияликлар мағлуб бўлишди (0:1) ва турнирни тарк этди, Пепе эса аргентиналик ҳакам Факундо Тельонинг ишидан ва унинг ушбу ўйинга тайинланганидан норози бўлди: «Кечаги воқеалар ва Мессининг шикоятларини ҳисобга олсак, буни тасаввур қилиб бўлмайди.
Бунақада кубокни Мессига бериб қўя қолинг!», - дея Португалия терма жамоаси фахрийсининг сўзларидан иқтибос келтиради Relevo.
Кечаги баҳсда Аргентина терма жамоаси Нидерландияни пенальтилар сериясида мағлуб этди. Ярим финалда аргентиналиклар Хорватияга қарши баҳс олиб боради, Марокаш эса Англия – Франция қарама-қаршилиги ғолиби билан учрашади.
