Яқинда Бразилия терма жамоаси матбуот котиби стол устига сакраб тушган мушукни қўполлик билан ушлаб, полга ташлаганди.
Жониворнинг хавфсизлиги борасидаги масаладан ташқари кўплаб мушук севувчилар Бразилия терма жамоаси вакилини бу ҳаракати учун танқид қилди.
Ҳикоя давом эттирилди. El Grafico хабарига кўра, Бразилия футбол конфедерациясига қарши 200 минг долларлик даъво қўзғатилган. Судга ҳайвонларни ҳимоя қилиш миллий форуми ва бир гуруҳ ноҳукумат ташкилотлар вакиллари мурожаат қилган.
Эслатиб ўтамиз, Бразилия терма жамоаси ўша матбуот анжуманидан икки кун ўтиб жаҳон чемпионатини тарк этганди.
