Аргентина терма жамоаси ҳужумчиси Лионел Месси ижтимоий тармоққа самолётда жаҳон кубоги билан кетаётган суратини жойлаштирди. Аргентина терма жамоаси Қатардан жаҳон чемпиони сифатида қайтди.

Аргентиналиклар финал учрашувида французлар билан тўқнаш келишди ва пенальтилар сериясида ғалаба қозонишди (4:2). Учрашувнинг асосий вақти 2:2 ҳисобида якунланди. Қўшимча бўлимларда эса биттадан гол уришди (3:3).

Ушбу турнирда Месси еттита гол урди ва учта голли узатмани амалга оширди. Аргентиналик футболчи гуруҳ босқичида Саудия Арабистони (1:2) ва Мексика (2:0) термаларига қарши баҳсда иккита гол урди. Плей-офф босқичида Лионель Австралияга (2:1), Нидерландияга (2:2, пенальтилар бўйича 4:3), Хорватияга (3:0) ва Францияга (3:3, 4:2) икки марта гол урди.