Жаҳон чемпионати ортда қолди, бироқ унга боғлиқ қизиқарли маълумотлар чиқишда давом этади. 

2022 йилги жаҳон чемпионати вақтида Аргентина терма жамоаси ётоқхонасида яшаган Қатар университети Лионель Мессининг хонаси музейга айланишини маълум қилди.

Бу ҳақда menafn.com хабар берди. Унга кўра университет кампуси турнирнинг 29 куни давомида Аргентинанинг таянч лагери бўлган ва ўйинчиларни ўзларини уйдагидек ҳис қилишлари учун барча шароитларни яратган.

Манба томонидан эълон қилинган янги видеода кўк ва оқ рангда безатилган кампус ва унинг заллари жаҳон чемпионларининг плакатлари, уларнинг дастхатлари ва формалари билан тўлдирилганини кўриш мумкин.