Хабар қилинишича, "Барселона" ҳужумчиси Мемфис Депай январь ойидаги барча таклифларни кўриб чиқишга тайёр.
Sport нашрининг сўнгги хабарига кўра, нидерландиялик ҳужумчи ёзда эркин агент сифатида жамоадан кетишни исташига қарамай, январь ойида "Рома"нинг таклифини кўриб чиқиши мумкин. Римликлар футболчига энг қулай шартларда таклиф билан чиқишга тайёр.
"Барселона" трансфер чекловлари туфайли Депайдан қутулишга шошилмаяпти, бу унга муносиб ўринбосар топишни қийинлаштиради. Бироқ, испан гигантлари ҳам уни эркин агент ҳолатида йўқотмасликни хоҳлайди. Ҳозирда футболчининг келажаги бутунлай унинг қўлида.