Лондоннинг "Арсенал" клуби Дортмунднинг "Боруссия" клуби ярим ҳимоячиси Жуд Беллингемни ўз сафига қўшиб олишни хоҳлайди, аммо бу трансфернинг амалга ошишига товон пули тўсқинлик қилмоқда. Олдинроқ немис клуби англиялик футболчининг трансферидан 150 миллион евро маблағ ишлаб олиш ниятида эканлигини ҳақида хабарлар тарқалган эди.
The Athletic нашри хабарига кўра, "Арсенал"нинг скаутларини Беллингемнинг ўйини ҳайратда қолдирмоқда, бироқ клуб битта футболчи учун бундай маблағни сарфлай олмайди. Шунингдек, "канонирлар" бошқа жамоалар билан юқори рақобатдан чўчимоқда.
19 ёшли Жуд келаси мавсумда Премьер-лигада иштирок этиши мумкин, чунки унинг хизматларига "Тоттенхэм"дан ташқари барча маҳаллий топ-клублар қизиқиш билдирмоқда.
