Аргентиналик мураббий Марсело Гальярдо Франциянинг “ПСЖ” клуби билан ўртоқлик учрашувида Саудиянинг икки клуби – “Ан-Наср” ва “Ал-Ҳилол”нинг энг яхши футболчиларидан иборат жамоани бошқаради.
"Ал-Ҳилол” ва “Ан-Наср” футболчиларидан иборат ушбу жамоани 19 январ куни “ПСЖ”га қарши ўйинда бошқараман. Тез орада кўришгунча”, - дея аргентиналик мутахассиснинг сўзларини келтиради Маrcа.
Аввалроқ, "ПСЖ" январ ойи ўрталарида Франция чемпионатида қишки танаффус вақтида Яқин Шарқда ўртоқлик учрашуви ўтказишни режалаштираётгани маълум бўлганди.
Француз грандининг рақиби Саудия Арабистонининг етакчи клублари – “Ан-Наср” ва “Ал-Ҳилол”нинг энг яхши футболчиларидан тузилган жамоа бўлади. Шу тариқа, “Ан-Наср” ҳужумчиси Криштиану Роналду ва “ПСЖ” ҳужумчиси Лионель Месси майдонда учрашиши мумкин.
