Argentinalik murabbiy Marselo Galyardo Fransiyaning “PSJ” klubi bilan o‘rtoqlik uchrashuvida Saudiyaning ikki klubi – “An-Nasr” va “Al-Hilol”ning eng yaxshi futbolchilaridan iborat jamoani boshqaradi.
"Al-Hilol” va “An-Nasr” futbolchilaridan iborat ushbu jamoani 19 yanvar kuni “PSJ”ga qarshi o‘yinda boshqaraman. Tez orada ko‘rishguncha”, - deya argentinalik mutaxassisning so‘zlarini keltiradi Marca.
Avvalroq, "PSJ" yanvar oyi o‘rtalarida Fransiya chempionatida qishki tanaffus vaqtida Yaqin Sharqda o‘rtoqlik uchrashuvi o‘tkazishni rejalashtirayotgani ma’lum bo‘lgandi.
Fransuz grandining raqibi Saudiya Arabistonining yetakchi klublari – “Al-Nasr” va “Al-Hilol”ning eng yaxshi futbolchilaridan tuzilgan jamoa bo‘ladi. Shu tariqa, “An-Nasr” hujumchisi Krishtianu Ronaldu va “PSJ” hujumchisi Lionel Messi maydonda uchrashishi mumkin.
