"Реал" дарвозабони Андрей Лунин Мадрид клубида қолишни истайди. У ўзиша тушган барча таклифларни рад этди, деб хабар беради Relevo.
Таклиф билдирган клублардан бири “Аякс” эди. Украиналикнинг рад жавобидан кейин нидерландияликлар “Вильярреал” дарвозабони Херонимо Рульи билан шартнома имзолади.
Шунингдек, 11 февраль куни 24 ёшга тўладиган футболчига Премьер-лига ва Бундеслига клубларидан таклифлар бўлган.
Ёзда вазият ўзгариши мумкин. Футболчининг мадридликлар билан бир йиллик шартномаси қолган бўлади, томонлар вазиятни таҳлил қилиб, дарвозабоннинг келажаги борасида бир қарорга келишади.
2022/23 йилги мавсумда Лунин "Реал" либосида 630 дақиқа майдонда ўтказди. 7 учрашувнинг 3 тасида ўз дарвозаси дахлсизлигини сақлаган бўлса, қолган 4 тасида 4 та гол ўтказиб юборган.
