“Милан”нинг собиқ футболчиси Массимо Оддо ўзининг собиқ клуби ўйинидаги пасайиш ҳақида ўз фикри билан ўртоқлашди. “Милан” чемпионатда қаторасига икки бор дуранг ўйнади ва Италия Суперкубогида ютқазди. Унинг фикрича, ҳар қандай жамоанинг ўйинидаги пасайиш жуда мантиқий, бу муқаррар, айниқса жамоадан кўпроқ нарса кутилганда.

"Мен вазиятни драматизация қилишни хоҳламайман. Бармоқ билан ишора қилиш осон. "Милан" - ёш лойиҳа. Агар жамоа Скудеттони қўлга киритса, умидлар автоматик равишда ортади. Лекин, албатта, лойиҳани шубҳа остига қўйишнинг ҳожати йўқ", - дея собиқ футболчининг сўзларини келтиради Италиянинг ITA Sport Press ахборот агентлиги.