Германия Бундеслигасининг 16-туридан ўрин олган ўйинда «Боруссия Д» 22 январь, якшанба куни «Аугсбург» билан баҳс олиб борди.

Учрашувнинг 29-дақиқасида Жуд Беллингҳем ҳисобни очди. 40-дақиқада Арне Майер мувозанатни тиклади. Орадан 2 дақиқа ўтиб, Нико Шлоттерберг дортмундликларнинг иккинчи голига муаллифлик қилди. Биринчи бўлим сўнгида Эрмедин Демирович ҳисобни тенглаштирди. Жамоалар 2:2 ҳисобида танаффусда йўл олди.

Иккинчи бўлимда ҳам яна 3 та гол урилди. Дортмундликлар сафида Байно-Гиттенс ва Жованни Рейна гол урган бўлса, «Аугсбург» сафида Давид Чолина ўз ҳисобига гол ёздириб қўйди.

«Боруссия Д» очколари сонини 28 тага етказиб, 6-ўринга кўтарилиб олди, «Аугсбург» эса 15 очко билан 15-поғонани банд этди.

Бундеслига, 16-тур баҳси
22 январь, якшанба
«Боруссия Д» – «Аугсбург» 4:3
Голлар: 1:0 – 29 Беллингҳем, 1:1 – 40 Майер, 2:1 – 42 Шлоттербек, 2:2 – 45 Демирович, 3:2 – 75 Байно-Гиттенс, 3:3 – 76 Чолина, 4:3 – 78 Рейна.
«Боруссия Д»: Кобел, Рюерсон, Ҳуммелс, Шлоттербек, Геррейру, Brandт (Зюле, 90), Озжан, Беллингҳем, Мален (Байно-Гиттенс, 70), Адееми (Рейна, 70), Мукоко (Аллер, 62).
«Аугсбург»: Гикевич, Гумни, Гауэлеу, Удуохай, Педерсен, Майер (Баумгартлингер, 76), Варгас (Кардона, 12; Йенсен, 65), Режбечай (Чолина, 76), Энгельс, Демирович, Бельо (Ебоа, 76).
Огоҳлантиришлар: Педерсен (45), Кардона (54), Йенсен (69), Беллингҳем (84), Энгельс (90).