Дортмунднинг “Боруссия” клуби ярим ҳимоячиси Жуд Беллингем жамоани тарк этиши мумкин.
Daily Star хабарига кўра, 19 ёшли футболчи ҳафтасига 180 000 фунт стерлинг (205 000 евро) маош оладиган янги шартнома таклифини рад этмоқчи. Уни қўлга киритиш учун бешта клуб давогарлик қилмоқда: "Манчестер Сити", "Челси", "Манчестер Юнайтед", "Реал Мадрид" ва "Ливерпуль".
Беллингем жорий мавсумда Дортмундликлар сафида 23 та ўйинда майдонга тушиб, 10 та гол урди ва 4 та голга ассистентлик қилди. Унинг шартномаси 2025 йилнинг ёзига қадар мўлжалланган.
Transfermarkt портали футболчини 110 миллион еврога баҳоламоқда.
