11 сентябрь куни бўлиб ўтадиган Ўзбекистон ва Жанубий Корея миллий терма жамоалари ўртасидаги ўйинни австралиялик ҳакамлар бошқариб борадиган бўлди.
Бош ҳакам — Бенжамин Жон Уильямс. Унга қанотларда Мэтью Кри ва Ҳоқон Аназ ёрдам беришади. Захира ҳаками ҳам яшил қитъадан — Кристофер Бит. Ҳакамларнинг ҳаракатларини сингапурлик Шамсул Майдин баҳолаб боради. Учрашув комиссари эса Ксилианг Ту (Хитой).
Ушбу ўйинни ОФК ҳакамлар қўмитаси директори Йошима Огава ҳам кузатиб боради. Ушбу визит осиёлик ҳакамларни Бразилияда бўлиб ўтадиган жаҳон чемпионатига тайёрлаш дастури доирасида амалга оширалади.