Саудиянинг “Ан-Наср” клуби ҳужумчиси Криштиану Роналду “Ювентус” иши бўйича гувоҳлик беришга тайёр. Футболчи Турин прокуратураси билан гаплашмоқчи. Бу ҳақда Италиянинг La Gazette Dello Sport нашри хабар бермоқда.
"Ювентус"га қарши тергов коронавирус пандемияси даврида Роналду ва "кекса сеньора"нинг бир қатор бошқа ўйинчилари маошларининг бир қисмидан воз кечганларида, ўйинчилар аслида пулни тўлиқ ҳолда олиш имконини берувчи шахсий шартномалар имзолагани маълум бўлганидан кейин бошланди.
Ушбу ҳужжатлардан бирига кўра, “Ювентус” Роналдудан 19,5 миллион еврога яқин қарздор. Португалияликнинг ўзи аввалроқ бу иш бўйича гувоҳлик беришдан бош тортган эди.
Роналдунинг прокуратура вакиллари билан қаерда ва қачон учрашиши ҳозирча номалум, бироқ у Италия, Мадрид ёки Лиссабонда бўлиб ўтиши кутилмоқда.
