Қишки трансфер ойнасида клубини ўзгартира олмаган "Рома" ярим ҳимоячиси Николо Дзаньоло "Рома" жамоасида машғулотларни қайта бошлайди, деб хабар беради Sky Sport Italia.

Нашрнинг ёзишича, футболчи 2 февраль куни машғулотларга қайтади. Шу билан бирга, футболчи энди Рим жамоасида ўйнамаслиги кутилмоқда.

Аввалроқ, 23 ёшли ярим ҳимоячи трансфер бўйича ариза билан чиққанди. "Рома" Англиянинг "Борнмут" клубидан расмий таклиф олди ва уни қабул қилди, бироқ футболчининг ўзи трансферни рад этди.

Италиялик ва римликлар ўртасидаги амалдаги келишув 2024 йилнинг ёзига қадар тузилган.