Бразилия терма жамоаси ва "Барселона"нинг собиқ ҳимоячиси Дани Алвеш ўтирган қамоқхона маҳбуси футболчининг ҳаёти ҳақида гапирди.

"У 13-блокда дўстим Коутиньо билан бирга ўтиради. Яқинда қамоқхона директори ва унинг ўринбосари Алвешни спорт майдончасини кўрсатиш учун олиб чиқишди. У ўзини одатдагидек тутади. Улар унга алоҳида шарт-шароит яратмаганлар, унга ўзгача муносабатда бўлмайдилар.

Ундан кўриниб турибдики, зериккан, бу ерда ҳаёт жуда зерикарли. Аммо у бу ерда йигитлар билан футбол ўйнаган. У билан бирга бўлган одамлар худди шу жиноят учун қамоқда. У яхши йигит, жуда хотиржам. Ундан дастхатлар сўралмоқда. Мен ҳайронман", - деди маҳбус Cuatro al día билан суҳбатда.

Олдинроқ 39 ёшли Алвеш 4 йилдан 12 йилгача озодликдан маҳрум этилиши мумкинлиги хабар қилинганди.