“Ан-Наср” ҳужумчиси Криштиану Роналду Саудия Арабистони чемпионатида киритилган биринчи голдан кейин ўз ҳис-туйғулари билан ўртоқлашди.

Португалиялик футболчи ўйиннинг 90+3-дақиқасида пеналтидан гол урди ва жамоасини мағлубиятдан қутқариб қолди.

“Саудия лигасида илк голимни урганимдан хурсандман. Ўта оғир ўйинда муҳим дурангга эришиш учун бутун жамоа кўп куч сарфлади!” — деб ёзди Роналду ижтимоий тармоқларда.

37 ёшли португалиялик ҳужумчи 2022 йилнинг декабрь ойи охирида "Ан-Наср"га ўтган эди.

Унинг жамоаси Саудия Арабистони чемпионатида 15 учрашувда 34 очко билан 1-ўринда бормоқда.