“An-Nasr” hujumchisi Krishtianu Ronaldu Saudiya Arabistoni chempionatida kiritilgan birinchi goldan keyin o‘z his-tuyg‘ulari bilan o‘rtoqlashdi.

Portugaliyalik futbolchi o‘yinning 90+3-daqiqasida penaltidan gol urdi va jamoasini mag‘lubiyatdan qutqarib qoldi.

“Saudiya ligasida ilk golimni urganimdan xursandman. O‘ta og‘ir o‘yinda muhim durangga erishish uchun butun jamoa ko‘p kuch sarfladi!” — deb yozdi Ronaldu ijtimoiy tarmoqlarda.

37 yoshli portugaliyalik hujumchi 2022 yilning dekabr oyi oxirida "An-Nasr"ga o‘tgan edi.

Uning jamoasi Saudiya Arabistoni chempionatida 15 uchrashuvda 34 ochko bilan 1-o‘rinda bormoqda.