2022 йилги Осиё ўйинлари ташкилий қўмитаси эркаклар ўртасидаги футбол турнири ҳақида сўнгги қарорни қабул қилди.
Унга кўра, мусобақада 1999 йилнинг 1 январи ёки ундан кейин туғилган футболчилар иштирок этиши ва ҳар бир жамоадан ёши катта уч нафар футболчи қатнашиши мумкинлиги тасдиқланди.
Эслатиб ўтамиз, Осиё ўйинларида принципиал жиҳатдан 23 ёшгача бўлган футболчилар қатнашади.
Бироқ Осиё ўйинлари пандемия сабабли бир йил кейинга қолдирилгани боис, футболчиларнинг ёши ўзгарадими, деган савол туғилганди. Якунда эса футболчиларнинг туғилган санасини ўзгартирмаслик тўғрисида қарор қабул қилинди, бу эса иштирокчиларни одатдагидан бир ёшга катта бўлиб турнирда қатнашишини билдиради. Бироқ мураббийларнинг режаларини бузиб қўймайди.
