2022 yilgi Osiyo o‘yinlari tashkiliy qo‘mitasi erkaklar o‘rtasidagi futbol turniri haqida so‘nggi qarorni qabul qildi.
Unga ko‘ra, musobaqada 1999 yilning 1 yanvari yoki undan keyin tug‘ilgan futbolchilar ishtirok etishi va har bir jamoadan yoshi katta uch nafar futbolchi qatnashishi mumkinligi tasdiqlandi.
Eslatib o‘tamiz, Osiyo o‘yinlarida prinsipial jihatdan 23 yoshgacha bo‘lgan futbolchilar qatnashadi.
Biroq Osiyo o‘yinlari pandemiya sababli bir yil keyinga qoldirilgani bois, futbolchilarning yoshi o‘zgaradimi, degan savol tug‘ilgandi. Yakunda esa futbolchilarning tug‘ilgan sanasini o‘zgartirmaslik to‘g‘risida qaror qabul qilindi, bu esa ishtirokchilarni odatdagidan bir yoshga katta bo‘lib turnirda qatnashishini bildiradi. Biroq murabbiylarning rejalarini buzib qo‘ymaydi.