Tuttomercatoweb хабарига кўра, Франкфуртнинг "Айнтрахт" клуби ҳимоячиси Эван Обите НДика 2023 йилнинг ёзида "Барселона"га текинга ўтади.
Манба берган хабарга кўра, Каталония жамоаси футболчи билан шартнома борасида келишиб бўлган.
Ндика “Айнтрахт” сафида 2018 йилнинг ёзидан буён тўп суради. Унинг жамоа билан амалдаги шартномаси 2023 йилнинг ёзига қадар мўлжалланган.
Жорий мавсумда 23 ёшли франциялик футболчи немис клуби сафида барча турнирлар доирасида 27 та ўйинда майдонга тушиб, 1 та голли узатмани амалга оширган. Transfermarkt порталига кўра футболчининг нархи 32 миллион еврога баҳоланмоқда.













