Tuttomercatoweb xabariga ko‘ra, Frankfurtning "Ayntraxt" klubi himoyachisi Evan Obite NDika 2023 yilning yozida "Barselona"ga tekinga o‘tadi.
Manba bergan xabarga ko‘ra, Kataloniya jamoasi futbolchi bilan shartnoma borasida kelishib bo‘lgan.
Ndika “Ayntraxt” safida 2018 yilning yozidan buyon to‘p suradi. Uning jamoa bilan amaldagi shartnomasi 2023 yilning yoziga qadar mo‘ljallangan.
Joriy mavsumda 23 yoshli fransiyalik futbolchi nemis klubi safida barcha turnirlar doirasida 27 ta o‘yinda maydonga tushib, 1 ta golli uzatmani amalga oshirgan. Transfermarkt portaliga ko‘ra futbolchining narxi 32 million yevroga baholanmoqda.
