"Интер"нинг собиқ юлдузи Хавьер Занетти ҳозирда клуб вице-президенти ҳисобланади ва у "Интер" Лионель Мессини ўз сафига қўшиб олишга қандай ҳаракат қилгани ҳақида гапирди.
Месси ҳозир "ПСЖ"да ўйнайди, у 2021 йилнинг ёзида "Барселона"ни тарк этган. Занеттининг сўзларига кўра, "Интер" "ПСЖ" ва инглиз клублари билан кичик бюджети туфайли рақобатлаша олмайди.
"Бу ҳақда турли вақтларда гаплашганмиз. Аммо у "Барселона"ни тарк этганида, бизда "ПСЖ" ёки инглиз клублари билан рақобатлашиш имкони бўлмади. Улар билан бизнинг молиявий имкониятларимиз хилма-хил" -деди Хавьер Занетти fcinter1908.it билан суҳбатда.
