"Хетафе"га қарши ўйинда захира ўриндиғидан четлатилган "Реал" ҳимоячиси Фабио Коэнтрау ИФФ тартиб-интизом қўмитаси томонидан узоқ муддатга дисквалификация қилиниши мумкин.
Футболчи заҳира ўриндиғидан туриб ҳакамни ҳақорат қилгани учун Испания тартиб-интизом Кодексининг 94-моддасига кўра 4та ўйиндан 12та ўйингача четлатилиши мумкин.
Учрашув бош ҳаками Мигель Анхель Перес Ласа ушбу ҳолат ҳақида ўйин қайдномасида билдириш қолдирган. Ҳакамнинг қайдномасидаги ёзувларга кўра, ўйиннинг 88-дақиқасида "Реал" ҳимоячиси майдонга югуриб чиққан ва ҳакамни "..... боласи" дея ҳақорат қилган.