«Ювентус» – «Нант» (1:1) учрашувида ҳакам баҳсли қарор қабул қилди.

95-дақиқада Бремер рақиб дарвозасидан бир ярим метр узоқликда тўпга сакраб, боши билан зарба берди. Бироқ «Нант» ҳимоячиси Фабиен Сантонс қўлини баланд кўтариб ҳаракат қилди ва тўп дарвозадан юқорига ўтиб кетди.

Бош ҳакам Жоау Педрунинг ўзи ВАРдаги ҳакамлар билан маслаҳатлашганидан сўнг мониторга ўтди.

Видеоларни узоқ вақт ўрганиб чиққан ҳакам Бремер топ учун курашда қоидабузарлик қилганини кўрсатди ва «Нант» фойдасига жарима зарбаси белгилади.