"Интер" Чемпионлар лигасининг плей-офф босқичидаги ўйинларини муваффақиятли бошлади, биринчи ўйинда италияликлар ўйин тугашига озгина қолганда озчиликда қолган "Порту"дан ғалабани тортиб олди. Учрашувдаги воқеаларни сўнгги ўйиннинг энг яхши футболчиси сифатида танланган Ҳакан Чалханўғли изоҳлади.
- Бу осон бўлмаслигини тушундик, чунки бизга қарши юқори сифатли, кучли рақиб майдонга тушди. Мухлисларимиз қаршисида ўйнаш жуда ёқимли эди ва биз албатта ғалаба қозонишга ҳақли эдик. Айнан Лукаку гол урганидан барчамиз хурсандмиз, унга ҳозир ўз қобилиятига ишонч керак", - дея туркиялик футболчининг сўзларини келтиради fcinter1908.it.
