Аргентина терма жамоаси бош мураббийи Лионель Скалони ФИФА талқини бўйича 2022 йилги энг яхши футболчи деб топилган ҳужумчи Лионель Месси ҳақида ўз фикрлари билан ўртоқлашди.
“Аввалдан айтилган нарсадан кўпроқ нарсани айтиб бўлмайди. Энг муҳими, у ўйнашда давом этади", - дея Скалонидан иқтибос келтиради Football Espana.
У аргентиналик футболчининг келажаги ҳақида ҳам гапирди.
"У жамоада қоладими? Месси учун эшик доимо очиқ. Умид қиламанки, у кейинги жаҳон чемпионатига чиқади. Мен уни ўша ерда кўраман, лекин менимча, биринчи навбатда саралашдан ўтиш керак”, — дея қўшимча қилди мураббий.
2022 йилда 35 ёшли Месси Аргентина терма жамоаси таркибида жаҳон чемпиони бўлди. Турнирдаги еттита учрашувда у еттита гол урди ва учта голли узатмани амалга оширди.
