"Бавария" ҳужумчиси Садио Мане ўзининг собиқ жамоаси "Ливерпуль" инқироздан чиқиб кета олишига ишонмоқда. Мерсисайдликлар айни дамда Англия Премьер-лигасида 7-ўринда бормоқда.
"Ливерпуль" қайтади. Ишончим комилки, клуб бу вазиятдан чиқиш йўлини топади. Жамоа кўп жароҳатлар ва қийинчиликларга дуч келди. Менимча, Юрген Клопп бу вазифани бажара олади. Футболчилар уни яхши кўришади", - дея Мане сўзларини келтирмоқда Sport Bild.
Эслатиб ўтамиз, Мане ўтган ёзда "Ливерпуль"ни тарк этиб, 52 миллион евро эвазига "Бавария" сафига қўшилган эди. Ўшанда сенегаллик футболчининг Юрген Клопп жамоаси билан шартномаси тугашига атиги бир йил қолганди.
