Москванинг "Спартак" клуби хўжайини Леонид Федун ўз клуби учун қурилаётган янги стадионнинг қурилиш жараёни ҳақида гапириб берди.
"Стадионнинг сиғими 45 минг ўринга яқин бўлади. Умид қиламизки, келаси йилнинг охирида ёки 2014 йилнинг бошида янги стадионда биринчи ўйин ўтказилади.
"Зенит"нинг Халкни сотиб олганига келсак, фақатгина ҳавас қилиши мумкин. Бизнинг стадионимиз икки Халкнинг пулига тенг. Бизнинг чемпионлар лигасидаги рақибимиз "Бенфика" ўйинчиси Витцельни сотиб олиб, рақибимизни кучсизлантиргани учун "Зенит"дан миннатдормиз", - дейди Леонид Федун.
