"Реал Мадрид" раҳбарияти яқин ҳафталарда ҳужумчи Эден Азар ва унинг вакиллари билан учрашув ўтказишни режалаштирмоқда, дея хабар беради журналист Фабрицио Романо.
Манбага кўра, клуб 32 ёшли бельгиялик футболчини ёзги трансфер ойнасида сотмоқчи.
Азар 2019 йилнинг июлидан бери “Реал” сафида тўп суради. 2022/23 йилги мавсумда у жамоа сафида 7 та ўйинда 1 та гол урди ва 1 та голли узатмани амалга оширди.
Футболчи охирги марта 3 январь куни Испания кубоги доирасидаги "Касереньо"га қарши ўйинда (1:0) майдонга тушганди.
