Ёзда Милан Шкриняр "Интер"ни тарк этади. Словакиялик "ПСЖ" билан дастлабки шартнома имзолаган. Милан клуби Шкринярни сифатли марказий ҳимоячи билан алмаштирмоқчи. "Челси"дан Калиду Кулибали "нерадзуррилар"нинг қизиқиш доирасига тушиб қолди. Бу ҳақда Todofichajes нашри хабар берди.
Калиду Кулибали аввалроқ Италияда ўйнаган. Сенегаллик 9 мавсум давомида “Наполи” сафида тўп тепди. Ўтган ёзда Кулибали "Челси"га 38 миллион евро эвазига ўтган эди.
2022/2023 йилги мавсумда 31 ёшли Калиду Кулибали "Челси" сафида 24 та расмий ўйин ўтказди. Уларда ҳимоячи иккита гол уришга муваффақ бўлди.
