Мадриднинг "Реал" клуби "Атлетико" ҳужумчиси Радамель Фалькаони ўз сафига қўшиб олиш учун жиддий киришган, деб хабар бермоқда El Mundo Deportivo нашри.
Манбаада айтилишича, "Атлетико" колумбиялик ҳужумчидан воз кечиш ниятида эмас. Аммо, унинг шартномасидаги бир банд, футболчини олиб қолишга тўсқинлик қилиши мумкин. Яъни, футболчининг шартномасида кўрсатилган товон пулини тўлайдиган клуб топилса, футболчи жамоани тарк этиши мумкин.
Айни пайтда, колумбиялик ҳужумчининг шартномасидаги товон пули, яъни 71 миллион еврони тўлашга Мадриднинг "Реал" клуби тайёр эканлиги айтилмоқда.
Эслатиб ўтамиз, ҳужумчиига шунингдек, Лондоннинг "Челси", ҳамда "Манчестер Сити" клублари жиддий қизиқиш билдирган.
Колумбиялик ҳужумчининг ўзи ҳам, келаси фаолиятини Англия премьерғлигасида давом эттириш нияти борлигини билдирган.
