Виктория Азаренко “US Open 2012” финалининг ҳал қилувчи учинчи сетида 5-3 ҳисобида олдинда бораётган эди ва ғалабага бир қадам қолганди. Аммо Серена кейинги 4 геймни ўз фойдасига ҳал қилиб, бош совринни Америкада қолишини таъминлади.

Иккала теннис устаси ўйиндан сўнг ўз фикрларини билдириб ўтдилар.

Виктория Азаренко:
“Серена олдига қўйган мақсадидан ҳеч қачон қайтмайди. У, шубҳасиз, жуда тажавузкор рақиб. Унинг қудрати улкан. Албатта, Серена ҳам одам – унда ҳам икки қўл, икки оёқ бор, аммо сенга хато қилишга имкон бермайди. У билан ўйнаганда, нотўғри қарорларга асло йўл қўйиш керак эмас”.

“Ғалабага жуда яқин қолганди. Буни амалга ошмагани қайғули. Сен ғалабага қадар етиб келдинг, лекин уни қўлдан чиқардинг”.

Серена Вильямс:
“О, худойим, мен ҳали ҳам бунга ишона олмаяпман. Нима дейишни ҳам билмайман. Мен бугун ҳеч қандай нутқ тайёрламаган эдим, чунки Виктория ажойиб тарзда ўйнади. Мен ҳали ҳам ҳайратдаман”.