"Манчестер Сити"нинг собиқ ҳужумчиси Серхио Агуэро Чемпионлар лигаси доирасида "Лейпциг"га қарши ўйинда Эрлинг Холанднинг пента-трики ҳақида фикр билдирди.
Эслатиб ўтамиз, "шаҳарликлар" бош мураббийи бешинчи голдан сўнг деярли дарҳол норвегиялик футболчини алмаштирди.
“Бу ақлдан озган йигит аллақачон 5 та гол урган эди. Агар Гвардиола уни алмаштирмаганида, Холанд “Лейпциг” дарвозасига 6 ёки 7 та гол уриши мумкин эди”, деди Агуэро стриминг платформаларидан биридаги жонли эфирда.
Агуэро "Манчестер Сити"даги фаолиятида пента-трикка эришган. Бу 2015 йилнинг октябрь ойида, аргентиналик футболчи Англия Премьер-лигаси ўйинида "Ньюкасл" дарвозасига бешта гол урганида содир бўлганди.
