20 ёшли футболчилар ўртасидаги Осиё чемпионатида иккинчи финалчининг номи аниқ бўлди.

Равшан Ҳайдаров бошчилигидаги Ўзбекистон ёшлар терма жамоаси Жанубий Кореяга қарши 120 дақиқа давомида мардонавор ўйин намойиш этди. Жамоамиз бир қатор вазиятлар яратиб, кўплаб зарбалар йўллашди. Рақиб посбони томонидан намойиш этилган бир нечта сэйвлар ўйинда тўпнинг дарвозага киришига йўл қўймади.

Пенальтилар сериясини эса кореяликлар бошлаб беришди. Боймуродов рақибнинг дастлабки 2та зарбасини қайтариб, ўйин қаҳрамонига айланди. Ҳамюртларимиз эса дастлабки 3 та зарбани голга айлантиришган бўлса, кореялик учинчи футболчи гол муаллифига айланди. Отабек Жанубий Кореянинг тўртинчи зарбасини ҳам бартараф этиб, пенальтилар серияси тақдирини ҳал қилди — 3:1! Кейинги зарбаларга ҳожат қолмади.

Шу тариқа, Ўзбекистон ёшлар терма жамоаси финал йўлланмаси қўлга киритди. Осиё чемпионлиги учун эса гуруҳдаги рақибимиз Ироққа қарши баҳс олиб борамиз. Гуруҳда Ироқни мағлуб этганимиздан хабарингиз бор (1:0).

U20 Осиё кубоги. Ярим финал. 19:00
ЎЗБЕКИСТОН - ЖАНУБИЙ КОРЕЯ - 0:0.
Қўшимча бўлимлар — 0:0. Пенальтилар серияси — 3:1
Канг Сеонг-Жин (0:0, сэйв) — Аббос Файзуллаев (1:0)
Канг Санг-Жин (1:0, сэйв) — Маҳмуджон Маҳамаджонов (2:0)
Парк Чанг-Ву (2:1) — Зафармурод Абдураҳматов (3:1)
Ким Жи-Су (3:1, сэйв)!
Огоҳлантиришлар: Асадбек Жўрабоев (35) — Канг Санг-Юн (28)
Ўзбекистон U20: 21.Отабек Боймуродов, 3.Абдуқодир Ҳусанов, 6.Жаҳонгир Ўрозов, 7.Пўлатхўжа Холдорхонов (Асадбек Жўрабоев 20, Шерзод Эсанов 67), 8.Беҳрузбек Асқаров (Шаҳриёр Жабборов 84), 10.Умарали Раҳмоналиев (С), 13.Зафармурод Абдураҳматов, 14.Аббосбек Файзуллаев, 15.Диёрбек Ортиқбоев, 17.Нодирбек Абдураззоқов (Шаҳзод Акрамов 67), 20.Маҳмуджон Маҳамаджонов
Жанубий Корея: Ким Жун-Хонг, Хванг Ин Таэк, Чой Сеок-Хюн, Парк Хюн-Бин (Лии Жун-Жэ 90), Ким Йонг-Хак (Ли Жун-Санг 105), Ли Йонг-Жун (Сунг Жин-Йонг 60), Бае Жун-Хо (Парк Чанг-Ву 53), Чо Йонг-Кванг (Мун Сеунг-Мин 90), Канг Санг-Юн, Ким Хи-Сеунг (Канг Сеонг-Жин 46), Ким Жи-Су
Бош ҳакам: Абдуллоҳ Жамолий (Кувайт).