"Интер" Чемпионлар лигасининг чорак финалига чиққани учун қанча пул ишлаб олгани маълум бўлди. Журналист Даниел Марининг фикрича, “нерадзурри” кейинги босқичга чиққани учун 10,6 миллион евро олган. Жорий мавсумда Европанинг энг нуфузли мусобақасидан тушган умумий даромад 68,5 миллион еврони ташкил қилди.
Эслатиб ўтамиз, ⅛ финалда "Интер" "Порту"ни умумий ҳисобда 1:0 ҳисобида мағлуб этганди. Жамоа 2011 йилдан буён илк марта Чемпионлар лигасининг чорак финалига чиқди.
2005/06 йилги мавсумдан бери биринчи марта Италиянинг учта жамоаси бирданига Чемпионлар лигаси чорак финали йўлланмасини қўлга киритди. “Интер”дан ташқари “Милан” ва А Серия етакчиси “Наполи” ҳам кубок учун курашни давом эттиради.
