Ўйин бироз эҳтиёткорона бошлади. Ҳар иккала жамоа ташаббусни бериб қўйишни истамасди. Аммо вакилларимизнинг иштиёқи баланд экани кўриниб турганди.

Ўйиннинг 13-дақиқасида Улуғбек Бақоев икки нафар ҳимоячининг йиқилиб тушганидан фойдаланиб, дарвозабон билан яккама-якка ҳолатда қолди ва тўпни посбоннинг устидан ошириб қўйишга ҳаракат қилди. Аммо зарба бироз кучсизроқ бўлгани учун ҳимоячи унга етиб келиб, тўпни майдон ташқарисига чиқариб юборди. Айнан ўша бурчак тўпи гол билан якунланди. Тўп дарвозабон майдончасининг яқин бурчагига йўллади. Сервер Жепаров унинг йўналишини бироз ўзгартирди. Кореялик ҳимоячи эса тўпни боши билан дарвоза киритиб юборди.

22-дақиқада терма жамоамиз ажойиб имкониятга эга бўлди. Сервер Жепаров майдон марказидан Жасур Ҳасановни олдинга ташлади. "Бунёдкор" ярим ҳимоячиси бир ҳимоячини чиройли тарзда алдаб ўтиб, қулай вазиятда турган Турсуновни тўп билан таъминлади. Санжар эса икки нафар ҳимоячини алдаб, 10 метрлардан дарвоза томон зарба берди. Дарвозабон эса тўпни муштлари билан уриб майдон ташқарисига чиқариб юборди.

36-дақиқада Улуғбек Бақоев ён қанотдан узатиб берилган тўпни майдон марказидан эгаллаб олиб, бир ўзи дарвоза томон югура бошлади. Майдоннинг нариги томонида эса Жепаров очилаётганини кўрган "Иртиш" футболчиси тўпни унга етказишга уринди. Аммо марказий ҳимоячи тўп қайтариб қолишга муваффақ бўлди.

Биринчи бўлимни ғолиб сифатида тарк этиш терма жамоамиз учун муҳим эди. Аммо бўлим сўнггида ишлаб олинган стандарт вазиятни голга айлантиришди. Нестеров тўпга чиқишда хато қилди ва кореяликлар сардори бош билан тўпни дарвозага йўллади. Биринчи бўлимга қўшиб берилган 2 дақиқани терма жамоамиз руҳий жиҳатдан анча оғир ўтказишди. Олдинда эса вазиятни ўнглаш ва керакли сўзларни топиб айтиш учун Миржалол Қосимовда 15 дақиқа бор!

ЖЧ-2014 САРАЛАШ. 4-босқич.
ЎЗБЕКИСТОН - ЖАНУБИЙ КОРЕЯ - (1:1). Биринчи бўлимдан сўнг.
Голлар: Сервер Жепаров (14) — Квак Тэ Кюн (45)
Огоҳлантириш: Анзур Исмоилов (40)
Ўзбекистон: Игнатий Нестеров, Анзур Исмоилов, Артём Филипосян, Жасур Ҳасанов, Сервер Жепаров, Фозил Мусаев, Улуғбек Бақоев, Санжар Турсунов, Темур Кападзе, Акмал Шораҳмедов, Шоҳрух Гадоев
Жанубий Корея: Чжунг Сунг Рёнг, Парк Чжу Хо, Квак тхэ Хью, Ха Дэ Сунг, Ким БО Кюнг, Ли Чунг Ёнг, Ли Кбнг Хо, Ли Чжун Су, Го Йо Занг, Ки Сёнг Ёнг, Ли Донг Гук.
Бош ҳакам: Бенжамин Жон Уильямс (Австралия)