Эммануэль Адебайор 39 ёшида фаолиятини якунлаганини эълон қилди.

"Барча юксалишлар ва пасайишларга қарамай, менинг профессионал спортчи сифатидаги фаолиятим ақл бовар қилмайдиган саёҳат бўлди. Ҳар қадамда ёнимда бўлган мухлисларимга раҳмат.

Мен ҳамма нарса учун жуда миннатдорман ва олдинда нима бўлишидан ҳаяжондаман», - деди Адебайор.

Адебайор профессионал фаолиятини "Мец" клубида бошлаган, у ердан "Монако"га кўчиб ўтган. Кейинчалик у "Арсенал", "Манчестер Сити", "Реал Мадрид", "Тоттенхэм", "Кристал Пэлас", "Истанбул", "Кайсериспор" ва "Олимпия Асунсион" клубларида ишлаган. Унинг охирги жамоаси Тогонинг "Семасси" клуби эди.

"Реал" таркибида собиқ ҳужумчи Испания кубоги ғолибига айланди. "Монако" билан у Чемпионлар лигаси финалига чиқди, "Арсенал" билан Лига кубогининг кумуш медали соҳибига айланди ва "Кристал Пэлас" билан Англия кубоги кумушини қўлга киритди.

У Того терма жамоаси сафида 85 та ўйинда майдонга тушиб, 32 та гол урган.