Франциянинг собиқ футболчиси Эммануэль Пети Антуан Гризманни танқид қилди.

Гризманн жамоа сардори Килиан Мбаппе бўлиши кераклиги борасидаги қарордан норози бўлгани учун терма жамоани тарк этиши мумкинлиги хабар қилинганди.

«У нега ҳафсаласи пир бўлганини билмайман. У ўзини энг муносиб деб ҳисоблайди, чунки у таркибдаги энг ёши каттаси.

Лекин куч бошқалар билан рақобатда тортиб олинади, талаб қилинмайди. Боғич масаласини бир овоздан ва табиий равишда ҳал қилиш керак, чунки сардор кийим алмаштириш хонасида ҳаммани бирлаштиради.

Гризманнинг жаҳли чиққани, афсуски, унинг бу мақомга арзимаслигини кўрсатди», деди Пети.

Эслатиб ўтамиз, Антуан Гризманн Франция терма жамоаси вице-сардорига айланди.