"Арсенал"нинг собиқ ярим ҳимоячиси Месут Ўзил "канонирлар"даги фаолиятига баҳо берди. Эслатиб ўтамиз, Лондон жамоаси таркибида Ўзил тўрт марта Англия кубогини қўлга киритган.
"Арсенал"даги биринчи йил ажойиб ўтди. Арсен Венгер қўл остида ажойиб ўйинлар ўтказдик. У кетганидан кейин ҳаммаси ўзгарди, аммо мен ҳозир янги гаплар билан оловга ёғ қуймайман", - деди Ўзил Afc Stuff билан суҳбатда.
Ўзил яқинда профессионал футболдаги фаолиятини якунлаганини эълон қилди. Футболчи ўз қарорини доимий жароҳатлар остида чарчаганлиги билан изоҳлади. Месутнинг сўнгги клуби "Истанбул Башакшеҳир" эди.
