"Челси" молиявий фейр-плэй қоидаларига риоя қилиш учун ёзда бир қанча футболчиларини сотиши мумкин.
The Times нашрининг ёзишича, ўтган мавсум якунида “кўклар”нинг молявий йўқотишлари 150 миллион евродан ошган.
Манбага кўра, Конор Галлагер ва Мейсон Маунт сотувга қўйилган асосий номзодлар рўйхатидан жой олган. Бу футболчилар сафига жамоанинг бошқа футболчилари ҳам қўшилиши мумкин.
Лондон клуби Англия Премьер-лигасининг жорий мавсумида муваффақиятсиз иштирок этмоқда. Ўтказилган 27 ўйиндан сўнг Грэм Поттер шогирдлари 38 очко жамғариб, турнир жадвалида ўнинчи ўринни эгаллаб туришибди.
