"Реал" ва Нидерландия терма жамоасининг собиқ футболчиси Рафаэль ван дер Варт ҳужумчи Мемфис Депайни қўллаб-қувватлади. Футболчи Европа чемпионати – 2024 саралаш босқичида Франция термасига қарши кечган ҳалокатли ўйинда (0:4) муваффақиятсиз ўйин кўрсатгани учун танқид қилинди.
"Депай энг яхши ўйин кўрсатмаса ҳам, бизнинг энг яхши футболчимиз бўлиб қолаверади. Уни нидерландиялик Месси дейишингиз мумкин. Агар у ёмон ўйнаса, унга барча тошлар отилади. Муваффақиятсизликларда биринчи бўлиб Мемфис айбланади" - деди ван дер Варт NOS билан суҳбатда.
Кеча, 27 март куни Нидерландия терма жамоаси Гибралтар устидан 3:0 ҳисобидаги ғалабани тантана қилди.
