Ёзда "Ювентус" маошни қисқартириши керак, шу сабабли асосий дарвозабон Войцех Шесни клубни тарк этиши мумкин. Турин клуби аллақачон 32 ёшли польшалик посбон ўрнига икки номзодни кўриб чиқмоқда.
Гап "Эмполи" дарвозабони Гульельмо Викарио ва ҳозирда "Кремонезе"да ижарада ўйнаётган Марко Карнесекки ҳақида кетмоқда. Унинг ҳуқуқлари "Аталанта"га тегишли. Маттиа Перин "Ювентус"да иккинчи дарвозабон бўлиб қолади.
Викариога эса "Интер" ҳам қизиқиш билдирмоқда. Чунки, миланликларнинг асосий посбони Андре Онананинг кетиши кутилмоқда.
Аввалроқ, "Ювентус" Давид Де Хеага қизиқиш билдираётгани ҳақида хабар берилганди, аммо испаниялик посбон моашининг қисқартирилишига рози бўлмайди.
